So̱nali Ge̱ḍe̱ reak̕ Jạṛ

 So̱nali Ge̱ḍe̱ reak̕ Jạṛ 

    Tamilnạḍu reak̕ mit̕ṭen ato̱ tahẽkana. Ona ato̱ re Chitạ ńutuman mit̕ṭen kạṭic̕ kuṛi gidrạe tahẽ̱nkan tahẽ̱kana. Ạḍi kạṭic̕ re  ac̕ go̱go̱ do̱e go̱c̕ bạgiade tahẽkana. Bar pe serma hoyena ać baba do̠ nãwã tey bapla ena. Nit hạbić te ać ren huḍiń misera hõ̠e hoyena- uniaḱ ńutum do̠ Radha. Pạhil do̠ jo̠to̠aḱ ge ṭhik ge calaḱ kan tahẽkana. Menkhan Radha hara-buruḱ são-sãote o̠bo̠sta do̠ bodo̠lo̠ḱ eho̠ṕena. Radha do̠ ạḍi khacaṛ ge tahẽkana. Ać go̠go̠ hõ̠ uni ge kusiae kan tahẽ̠kana. Ona leka re, Ać baba o̠ṛaḱ re bae tahen re do̠ Chitạ do̠ ạḍi dukh dạ̃ndi te din paro̠mo̠ḱ taea tahẽ̱kana.

 

No̠ṅkan okte re mit́din chitạ do̠ baṛge reaḱ gạḍiạ khon daḱe ạgukan tahẽ̠kana– unạḱ tege......

Aćaḱ bo̠ho̠ḱ cetan te khiạ kho̠yo̠ ce̠le̠ co̠e uḍạu paro̠men lekae aṭkar kedea. Mõ̠ńj te ko̠yo̠ḱ ruạṛket́ mae bhaṛo̠ utạrena. mit́ṭen so̠nạ ro̠ṅan ge̠ḍe̠. Siń cando̠ rãt te uniaḱ pạ̃khṛạḱ ko do̠ jhalkao̠ḱ kan tahẽ̠kana. Uni ge̠ḍe̠ do̠ ạcur he̠ć kate chitạ sur reye duṛuṕena. Tinạḱ hahaṛa ạḍi cehra jiạli, chitạ mo̠ne mo̠ne hudis ena. ṭhik ona okte rege uni ge̠ḍe men keda, 'Henda mại cet́em, ce̠t́em bhabnaḱkana ? Iń do̠ sm lạgit́ mit́ṭen jinis iń ạguakada- naḱae sab me.' Niạ men kate ge̠ḍe̠ do̠ ho̠ṛmo̠e rukuke taea, são-sãote mit́ṭen pạ̃lhṛạḱ ńurhạen taea. Chitạ do̠ onae halaṅ rakap keda ar ge̠ḍe̠ do̠e uḍạu rakaṕ ena. Pạ̃khṛạḱante chitạ do̠ tho̠ṛa ghạṛić mit́ jaiga rege tiṅgu thire tahẽyena. 

     Tho̠ṛa din tayom reaḱ katha, Radha ar kạki go̠go̠ kin ńel kana  chitạ jo̠m ńu re unạḱkin ko̠sṭo̠ye kana, chitạ menkhan din din te ạḍi cehraḱ kana. din din bạṛti esel idiḱ kana. ar uni jo̠m ńu re jo̠sṭo̠ḱ kana mente baṅ nujhạuḱ kana, enḍe kha ?

Tele ńam lạgit́ bạṛti din baṅ tạngi ho̠e lena. Mit́din chitạ do̠ racae jo̠ḱet́ kan tahẽ̠kana- Ge̠ḍe do̠ uḍạu he̠ć kate raca re phe̠ḍ ena. Uni do̠ chitạ tuluće galmaraoḱ kan tahẽ̠kana-Radha do̠ sạṅgiń khon ge̠ḍe̠y ńel ńam kede khan kạu-mạu keda. kạu-mạue ańjo̠mket́ khane uḍạu ena. Nit do̠ radha uni bisạite hana nhawa kuli eho̠ṕ ena-uni o̠kare tahẽna, uni tuluć ce̠t́ leka te o̠pro̠m hoyena— eman nanak parkar katha. Chitạ nit ce̠t́ tekae ema ? Uni ma uni ge̠ḍe̠ bisạete ce̠t́ ge bae baḍaea— baḍae bhitri re ma uni tala tala re so̠na reaḱ pạkhṛạ̃ḱ mit́ṭeć kateye em o̠ṭoaea-ona ge lạiadea. So̠ṅge so̠ṅge te Radha me̠t́ samaṅ re jo̠yo̠ gho̠ṭna phuṭel rakaṕ ena. Mane unạḱ din chitạ do̠ ona pạkhṛạ̃ḱ ạkhriń kate mo̠n kusi jinis kiriń katey jo̠m joṅkan tahẽ̠kana. Noa ańjo̠m kate Radha do̠ raṅgao te kurkurạuena. Uni noa katha ać go̠go̠e lạiadea. Go̠ṭa ńindạ uni do̠ niạ katha ge galmarao keda. Menkhan bạpuṛić chitạ do̠ niạ bisạe te ce̠t́ ge bae o̠nman leda. 

Tho̠ṛa din tayom reaḱ katha. Chitạ do̠ kicriće sapha kan tahẽ̠kana- Ge̠ḍe̠ do̠ arhõ̠ uḍạu he̠ć kate uni sur reye duṛuṕena. Bana ho̠ṛ galmarao rekin bul akan tahẽkana. Note Radha do̠ mit́ṭen jhạlian te bạe bạete tayom se̠ć khone he̱c̕ena. Mit́ dhao lebda ạcur kate ge̠ḍe̠ ńel katey capat́ keda. ce̠t́ hoyena  uni ge̱ḍe̱ do̱ nase hõ̱ bae hante nhate daṛeada,bạpuṛic̕ ge̱ḍe̱ do̱ ona jhạli reye jhạliena. Radha eṅgat hõ̱ onḍey he̱c̕ seṭer ena. Bana ho̱ṛ milạu kate ạḍi nir-maya te uniak̕ sanam pạkhṛạ̃k̕kin to̱t̕ cabaket̕ taea. Jo̱to̱ 

 

pạkhṛạ̃k̕ to̱t̕ caba kate oṛak̕ tekin calao ena. Chitạ do̱ rak̕ rak̕ te thakao cabaena ar ge̱ḍe̱ye ho̱bo̱r kedea. Ṭkik un okte rege.....

            Uni ge̱ḍe̱ do̱ kại khon sạdhin kate mit̕ṭen cehra Raj kumare hoyena. Raj kumar do̱ uni bapla kate ac̕ak̕ rajo̱sṭi teye idi kedea. 

   Nhate Radha tạkinak̕ ce̱t̕ hoyena- Baḍaea se baṅ ? Tho̱ṛa din tayom jọtọn tekin do̱ho̱akat̕ pạkhṛạ̃k̕ ko ńel kate bana ho̱ṛ bo̱ho̱kk̕in capo̱ena. Pạ̃khṛạ̃k̕ ko do̱ hasa rup re bo̱do̱l cabaeana-ona mudre mit̕ṭen gan so̱na hõ̱ bạnuk̕a. Ce̱t̕ kin ce̱kaea ce̱t̕ do̱ baṅ teheń hạbic̕ ce̱ṭ  hõ̱ bạkin khạṭi akada......teheń hạbic̕.